O Ateneo Casino de Monforte ofrece a proxección da película Ons
RibeiraSacraXa
O próximo venres, 5 de novembro, o Ateneo Casino de Monforte ofrece a oportunidade de ver na gran pantalla Ons.
30 Oct 2021
O próximo venres, 5 de novembro, o Ateneo Casino de Monforte ofrece a oportunidade de ver na gran pantalla Ons e escoitar en primeira persoa ao seu director Alfonso Zarauza e a actriz Melania Cruz, a través dun coloquio que estará moderado por Iván Patiño.
Este inquietante relato grabado nunhas paisaxes de enorme beleza agreste, resultou gañador de nove premios Mestre Mateo 2020, entre eles, o de mellor película.
A cita realizarase ás 20.15 horas e a entrada é de balde, previa reserva no teléfono 648 435 033 (preferiblemente por WhatsApp). Así mesmo, levaranse a cabo as medidas sanitarias correspondentes.
