Monforte celebrou a 24ª edición do Festival de Habaneras cunha gran acollida de público
Monforte celebrou a 24ª edición do Festival de Habaneras cunha gran acollida de público. O Alcalde, José Tomé Roca, acompañado pola primeira Tenente de Alcalde, Gloria Prada, e os concelleiros e concelleiras de Cultura, Servizos, Consumo e Muller e Igualdade, asistiu esta fin de semana á 24ª edición do Festival de Habaneras de Monforte.
O evento, organizado polo Concello, celebrouse na Praza de España, que reuniu numeroso público para gozar das actuacións das tres corais participantes. Nesta edición, por primeira vez, o festival tivo lugar no mes de xuño, o que facilitou a súa celebración ao aire libre no centro da cidade.
No cartel desta edición estiveron dúas corais de prestixio, xunto á Coral Polifónica do Concello de Monforte: a Coral Polifónica Sporting Club Casino de A Coruña e a Masa Coral Laviana, de Asturias.