Monforte celebra este xoves a XXIV Mostra de Panxoliñas
O alcalde de Monforte de Lemos, José Tomé Roca, informa que mañá xoves 19 de decembro ás 18.00 horas e no Edificio Multiusos, nenas e nenos de diferentes centros de ensino da cidade interpretarán composicións musicais de Nadal dentro da XXIV Mostra de Panxoliñas para Centros de Ensino do Concello de Monforte de Lemos, organizada dende a Concellería de Cultura.
A mostra, que se desenvolve en todas as edicións con grande éxito, chega este ano á súa vixésimo cuarta convocatoria e ten como fin un ano máis espertar a afección ó canto coral e á música entre os nenos e nenas dos centros de ensino da cidade.
Nesta 24ª edición os centros de ensino participantes son o Colexio PP. Escolapios, a Fundación Educativa Torre de Lemos, o Colexio P. Ferroviario e o CEIP Monforte.