Marica Campo presenta o martes o seu libro Nós outras en Sober
![Nos outras libro](https://ribeirasacraxa.com/wp-content/uploads/2021/05/Nos-outras-libro.jpg)
O vindeiro martes día 1 de xuño, ás 19:30 horas, Marica Campo visitará Sober para falar do seu libro Nós outras, unha obra de poesía infantil complementada con ilustracións da artista plástica Menchu Lamas. Así mesmo, a obra vertébrase ao redor de valores como a diversidade, a inclusión e a liberdade. A presentación será no auditorio do Centro Sociocultural de Sober.
Marica Campo é unha das autoras máis destacadas da Literatura galega que abordou os xéneros narrativo, poético, teatral e xornalístico. Foi tamén tradutora e participante en numerosas obras colectivas. Desenvolveu a súa traxectoria profesional na provincia de Lugo, onde exerceu como docente no ensino secundario.
A obra vén de ser elixida como a mellor edición do ano 2020 no panorama editorial galego: Premio Follas Novas do Libro Galego.
No acto participará tamén Antón Lopo, autor, xornalista, e unha das figuras promotoras do proxecto Chan da Pólvora que aposta polos discursos periféricos e diversos, especialmente no eido poético.
![Nos outras](https://ribeirasacraxa.com/wp-content/uploads/thumbs/2021/05/Nos-outras-200x282.jpg)