Hoxe abre o prazo de matrícula para diferentes actividades en Bóveda
O Concello de Bóveda abre no día de hoxe o prazo de matriculación para diferentes actividades dirixidas a rapaces e rapazas que cursen Educación Primaria e Educación Secundaria neste curso 2021-2022. Desta maneira, o prazo de matrícula rematará o vindeiro venres 24 de setembro e o inicio das clases celebrarase o 4 de outubro.
As actividades que se poden escoller son: iniciación á informática, inglés e reforzo educativo en horario de 16.30 a 18.30 horas os martes e os mércores respectivamente. Estas tres están dirixidas a nenos e nenas de Educación Primaria.
Ademais disto, os xoves haberá clases de iniciación ó Break Dance -de 16.30 a 17.30 para nenos e nenas de Educación Primaria e de 17.45 a 19.15 dirixido a nenos e nenas de Educación Secundaria- e os venres será o turno das tardes de cine, nas que se farán actividades relacionadas e que está dirixido a todos os públicos.
As actividades realizaranse no Centro Sociocultural de Bóveda e dende o Concello informan que os grupos serán reducidos e adaptados ao protocolo do momento. Para máis información ou para calquera dúbida pódese contactar co número de teléfono 982 426 177 ou no enderezo electrónico cultura@concellodeboveda.com.
