Confirmados novos artistas no 17° Ribeira Sacra Festival
![festival ribeira sacra 1](https://ribeirasacraxa.com/wp-content/uploads/2021/04/festival-ribeira-sacra-1.jpg)
17° Ribeira Sacra Festival confirma novos artistas. Depedro, que está finalizando o seu novo disco do que xa se coñece o primeiro single Máquina de Piedad, e Ian Kay, que acaba de completar o seu primeiro álbum en solitario, súmanse ao cartel do festival que celebrará a súa quinta edición do 16 ao 18 de xullo de 2021. Xunto a eles, tamén confirmaron a súa asistencia nas pasadas semanas Dani, Budiño & Novoa e Auto Sacramental. Desta forma, estos artistas anteriormente mencionados súmanse aos xa confirmados Teenage Fanclub, The Excitements, Bronquio e Ale.
17° Ribeira Sacra Festival é unha cita anual na que música, patrimonio, paisaxe, gastronomía e viño únense para crear unha experiencia única para o público. En 2020 o festival foi recoñecido como o “Best Small Festival” de toda España polos Iberian Festival Awards. Un recoñecemento inédito para un proxecto tan novo que reafirma a súa importancia en todo o territorio, así como a súa proxección nacional e internacional.
A pasada edición de 17° Ribeira Sacra Festival foi, sen dúbida, a máis difícil e especial ata a data, dada a situación sanitaria, e na que se cumpriron todas as expectativas. 17° Ribeira Sacra Festival conseguiu unir grandes propostas musicais e actividades nun evento que, a pesar do seu formato reducido e medidas de seguridade, nunca perdeu a sensación de festival.
En cada un dos seus espazos (adegas, miradoiros, un catamarán con música en directo…) o festival ofrece a oportunidade de vivir a Ribeira Sacra dunha maneira diferente. Experiencias extraordinarias que fan que 17º Ribeira Sacra Festival forme parte de Momentos Alhambra, que nace da paixón da cervexeira pola música e polo descubrimento de creacións auténticas feitas para gozar cos cinco sentidos.
A través das súas diferentes edicións, 17º Ribeira Sacra Festival quixo reinterpretar a personalidade do territorio a través de figuras nacionais e internacionais da música, a cultura, o viño, a gastronomía, o patrimonio… todos eles embaixadores da mensaxe do festival dentro e fóra das nosas fronteiras.
![cartel ribeira sacra festival](https://ribeirasacraxa.com/wp-content/uploads/thumbs/2021/05/cartel-ribeira-sacra-festival-200x285.jpg)