Chega unha actuación de teatro dos Bolechas a Carballedo
RibeiraSacraXa
FalaRedes 2021, a rede de dinamización lingüística, presenta no Concello de Carballedo Os bolechas fan o camiño marciano.
12 Oct 2021
O salón de actos do Concello de Carballedo acolle Os bolechas fan o camiño marciano, un espectáculo teatral participativo para nenos e nenas de 4 a 9 anos e as súas familias. Esta actuación recóllese dentro de FalaRedes 2021, a rede de dinamización lingüística.
Nel, o xogo e a diversión combínanse coa aprendizaxe da man dos coñecidos personaxes de Pepe Carreiro, Loli, Chispa, Sonia, Pili e Carlos, entre outros, que queren facer de novo o Camiño de Santiago, pero xa percorreron todas as rutas xacobeas.
A actuación levarase a cabo o vindeiro domingo 31 de outubro, ás 18 horas. Así mesmo, levaranse a cabo todas as medidas sanitarias correspondentes.
