As obras na LU-P-4702 ao seu paso pola Pobra do Brollón comezarán este luns
RibeiraSacraXa
A partir de mañá e durante dúas semanas estará pechado o treito comprendido que comunica Vilachá coa Estación de Pobra do Brollón
LU-P-4702
20 Jul 2025
A partir do próximo luns 21 de xullo e durante dúas semanas, permanecerá pechado ao tráfico un tramo da estrada LU-P-4702 que une Vilachá coa Estación da Pobra do Brollón.
Este corte débese ao inicio dos traballos de estendido de aglomerado en quente no tramo comprendido entre os puntos quilométricos 2,575 e 10,897.
As obras teñen un orzamento de 435.600 euros por parte da Deputación de Lugo e serán executadas pola empresa FEVISA Vías e Obras SL.