Artesanía de Galicia celebra obradoiros no Courel
Chega Artesanía de Galicia ao Courel. Do 30 de xullo ao 8 de agosto, Folgoso do Courel acollerá diferentes obradoiros nos que primará a artesanía, os oficios e a natureza.
Desta maneira, chegan diferentes obradoiros nos que aprender, coñecer e iniciarse en oficios coma a ouvería, a ilustración dun caderno de viaxe, o ecogravado, a manipulación de papel, bordado botánico, restauración de mobles de madeira, iniciación ao torno cerámico e creación de cianotipias, entre outras moitas cousas. Todas aquelas persoas que o desexen poderán participar nestes obradoiros tan diferentes e con tanta variedade.
O programa está dividido en obradoiros con prazas limitadas que requiren de inscrición previa e obradoiros abertos para toda a familia e sen inscrición. Dependendo do obradoiro será nuns días e horas determinados. Así mesmo, o prezo tamén varía dependendo do curso -o prezo varía entre 20 e 10 euros-.
Así pois, as localizacións nas que se levarán a cabo os distintos obradoiros son a Fundación Uxío Novoneyra e antigas escolas unitarias de varias localizacións no concello de Folgoso do Courel; onde se poderá disfrutar dun espazo no que sentir a artesanía, a cultura e a natureza.
