Infraestructuras

Os traballos estenderanse durante todo o mes de decembro

A Deputación de Lugo comeza os traballos na estrada LU-P-4103, en Ferreira de Pantón, que consistirán na mellora do firme e que afectarán ao tráfico durante todo o mes de decembro.

Durante as dúas primeiras semanas, os traballos afectarán desde o inicio da vía ao punto quilométrico 12,100. A circulación quedará regulada mediante tráfico alterno e sinalización.

A partir da terceira semana, será necesario cortar a estrada entre os puntos quilométricos 12,100 e 13,400.