Cultura

A función terá lugar este sábado ás 18.00 horas no Cuartel Vello

A compañía Achádego Teatro subirase este sábado ás 18.00 horas ao escenario do Cuartel Vello de Taboda para presentar a súa obra ‘Novo Amencer’, unha comedia distópica enfocada ao público de máis de 14 anos.

Sinopse

Todas as persoas estamos un pouco perdidas, buscando algo ao que aferrarnos que lle de sentido as nosas vidas, o problema é que hai moitas opcións e non sempre escollemos a axeitada. Novo Amencer é unha comedia que pon o foco nas falsas crenzas, nos líderes de barro, na inocencia e naqueles que se aproveitan dela para o seu propio beneficio.

Unha divertida crítica distópica ambientada nunha comunidade moi peculiar na que non hai ninguén normal, como na vida mesma.