A Pobra de Trives acollerá o XXI Desfile de Folións o próximo 8 de febreiro
RibeiraSacraXa
A cita está organizada pola Asociación Cultural Os Labregos
18 Jan 2026
A Pobra de Trives será o escenario do XXI Desfile de Folións, organizado pola Asociación Cultural Os Labregos, o domingo 8 de febreiro de 2026.
Desde a asociación destacan que o cartel deste ano naceu nun lugar moi especial: a Serra A Cabeza Grande, recentemente afectada pola peor vaga de incendios que se recorda..
A imaxe do cartel ten como protagonista a neve, que simboliza, segundo Os Labregos, a esperanza, o futuro e a forza económica e emocional que o branco representa para a nosa terra.