Cultura | Axenda

A representación terá lugar este venres no Auditorio Municipal

O Auditorio Municipal de Quiroga acolle este venres a función ‘O vixilante dos soños’, unha obra de teatro de monicreques a cargo de UBU Teatro que dará comezo ás 18.00 horas. Está dirixida a un público familiar a partir de 3 anos.

Desde pequeno Sonólicus dorme ben pegadiño á ventá e o último que ve antes de pechar os ollos é a cara redonda e brillante da lúa. Así é como empeza O vixilante dos soños, a aventura dun neno que vai medrando cunhas inmensas ganas de chegar á lúa. Busca no reflexo das pozas e dos espellos, sube ás caixas amoreadas e aos tellados, e tantos esforzos fai por conseguilo e tanto estira os brazos cara á lúa, que lle medran ata a deformidade.