A Asociación Os D'eiqui de Taboada abre o prazo de matriculación
A Asociación Os D'eiqui de Taboada xa ten a matrícula aberta para este curso 2021/2022. A asociación oferta diferentes actividades dirixidas aos diferentes públicos os mércores e os sábados.
Desta maneira, os mércores haberá clase de pandeireta sénior ás 20.30 horas. No caso dos sábados, levaranse a cabo diferentes actividades durante a tarde. Ás 16 horas, será a clase de percusión e de baile infantil, ás 17 horas haberá gaita e pandeireta infantil, ás 18 horas tocarán as clases de iniciación á gaita e á percusión e baile e, finalmente e para rematar a xornada, ás 19 horas será o turno das clases de pandeireta.
O curso comezará o vindeiro sábado 6 de novembro e todas aquelas persoas que queiran probar nas diferentes actividades, poderán facelo neste primeiro mes de forma gratuíta.
Para máis información ou para calquera dúbida pódese contactar co número de teléfono 658 106 720, no enderezo electrónico osdeiqui@gmail.com ou nas redes sociais.
