A 7ª edición do Fest Clásico Ribeira Sacra regresa en agosto con concertos en Chantada, Os Peares, Luíntra e Pantón
A 7ª edición do Fest Clásico Ribeira Sacra celebrarase do 24 ao 31 de agosto en diferentes espazos da comarca. A programación inclúe concertos de música clásica con intérpretes nacionais e internacionais.
O festival comezará o 24 de agosto ás 19:30 horas no Consorcio Local de Os Peares con Amalia Bosch, viola, que interpretará o programa do Premio Galimusic 2024.
O 29 de agosto á mesma hora, a Igrexa de San Salvador de Asma acollerá o concerto “Im Memoriam”. Ao día seguinte, o 30 de agosto, na Igrexa de San Estevo de Atán (Pantón) poderase escoitar “A–G–A–H–A”.
O 31 de agosto terá dobre cita: ás 12:00 horas, no Consorcio Local de Os Peares celebrarase a final do Premio Galimusic, e ás 19:30 horas a Igrexa de Santa Eulalia, en Luíntra, acollerá o concerto “Dumka”.
Os intérpretes que participan nesta edición son Sini Simonen e Anna Göckel ao violín, Bryony Gibson-Cornish e Alessandro D’Amico á viola, e Beatriz Blanco e Alexandre Foster ao cello.