Xunqueira de Espadanedo xa ten pista de pádel

Xunqueira de Espadanedo conta desde esta semana cunha pista de pádel descuberta e de uso público para os veciños e veciñas.
A instalación foi posible grazas a unha subvención nominativa da Deputación Provincial de Ourense, que investiu un total de 47.150 euros na execución dos traballos. Ademais, a institución provincial investiu outros 42.733 neste Concello para levar a cabo a mellora do abastecemento en Xunqueira e Pardeconde.
Por outra banda, o Concello vén de acometer os traballos de mellora para a eficiencia hidráulica e a redución de perdas de auga no abastecemento de Xunqueira de Espadanedo, cun investimento de 38.000 euros dos cales 32.252 foron subvencionados por Augas de Galicia.