Xa están listas as novas beirarrúas no polígono industrial de Escairón

Rematadas as beirarrúas do polígono de Escairón que darán maior seguridade e comodidade aos veciños e traballadores da zona.

Neste inicio de semana remataron as obras nas beirarrúas do polígono industrial de Escairón. Isto supón unha mellora na calidade de vida e seguridade dos veciños e traballadores da zona.

O alcalde, Carlos Armesto, afirma que se trata dun “paso máis” na urbanización das zonas anexas á capitalidade municipal”.

Esta actuación supuxo un investimento de 63.000 euros e contou co apoio dunha subvención da consellería de Economía, Empresa e Innovación.