Willie Ladson levará a cabo a actividade 'Basket and English' do III Ucoga CB Chantada Campus
RibeiraSacraXa
Willie Ladson levará a cabo a actividade 'Basket and English' do III Ucoga CB Chantada Campus que terá lugar en agosto
![Ucoga Campus Chantada 2022](https://ribeirasacraxa.com/wp-content/uploads/2023/07/Ucoga-Campus-Chantada-2022.jpg)
8 Xul 2023
A terceira edición do Ucoga CB Chantada Campus de baloncesto bilingüe, organizado polo Club de Baloncesto de Chantada, terá lugar entre o 1 e o 5 de agosto para a rapazada de 6 a 18 anos.
Este campamento acollerá diferentes actividades, entre as que destacan a formación en fundamentos de cabloncesto, co ex xogador Alberto Gómez; piscina e actividades ao aire libre, pero sobre todo, que será un campamento en inglés, da man do ex xogador Willie Ladson.
As persoas interesadas en participar poderán apuntarse a el ata o vindeiro 28 de xullo e faranse grupos por idade para que cada conxunto de persoas das diferentes categorías do baloncesto aprendan de maneira conxunta sen interceder nos demais.
![Ucoga Campus](https://ribeirasacraxa.com/wp-content/uploads/thumbs/2023/07/Ucoga-Campus-200x283.jpg)