Deportes

Será o 21 de agosto e as incricións estarán abertas durante todo o mes de xullo

O vindeiro 21 de agosto celebrarase a XI Carreira Popular Concello do Saviñao, unha cita xa consolidada no calendario deportivo local. A proba contará con inscricións gratuítas para todas as categorías, desde chupetines ata absoluta.

A carreira incluirá avituallamento sólido e líquido para todas as persoas inscritas e trofeos para os tres primeiros clasificados na categoría absoluta.

As probas comezarán ás 11:00 horas cos máis pequenos e prolongaranse ata o mediodía, cando partirá a carreira absoluta, cun percorrido de 8 quilómetros.

O prazo de inscrición estará aberto ata o 31 de xullo. As persoas interesadas poden anotarse ou solicitar máis información no correo deportes@concellodosavinao.com ou nos teléfonos 622028518 e 982452061.
A actividade conta co apoio da Xunta de Galicia e Deporte Galego.