Unha sociedade de Bos Aires loce unha placa da Pobra do Brollón
![Argentina-Pobra-do-Brollón](https://ribeirasacraxa.com/wp-content/uploads/2024/06/Argentina-Pobra-do-Brollon.jpg)
A Sociedad Mutua de Residentes del Ayuntamiento de La Puebla de Brollón en Temperley, localidade de Bos Aires, Arxentina, xa loce a placa que dende o Concello fixéronlles chegar en homenaxe ás veciñas e veciños que fixeron a emigración transatlántica.
Desde o Goberno municipal destacan que isto foi posible grazas ao investigador guímaro, Xurxo Ayán, que aproveitando a súa visita alí fixo entrega da placa en nome do Concello. Tamén entregou dous libros asinados pola poeta e veciña Olga Novo, cuxo propio avó estivo emigrado en Temperley, como tamén o estivo a avoa do alcalde, Xosé Lois Maceda.
"Con esta placa queremos agradecer a labor de embaixadores e embaixadoras da Pobra do Brollón que fai esta Sociedad en Arxentina, país que lles deu tantas oportunidades aos nosos e nosas emigrantes" destacan desde o Concello.