Unha nova ruta proposta pola Xunta de Micoloxía Os Lactouros terá lugar este sábado
RibeiraSacraXa
Unha nova ruta proposta pola Xunta de Micoloxía Os Lactouros terá lugar este sábado, 15 de xullo, polo río Cabe
![ruta Coureleando xullo](https://ribeirasacraxa.com/wp-content/uploads/2023/07/ruta-Coureleando-xullo.jpg)
12 Xul 2023
A Xunta de Micoloxía Os Lactouros, xunto coa Asociación Facendo Camiño, organizan para este sábado, 15 de xullo, unha ruta de 12 quilómetros guiada por Iván Álvarez, de Coureleando.
As persoas inscritas nesta actividade, que poderán ser ata 30 e deberán pagar un custo de 15 euros, sairán ás 09.00 horas dende as casitas da compañía en autobús ata o inicio da Ruta do Río Cabe.
Así, percorrerán un sendeiro á beira do río dende Remuín ata o Club Fluvial e despois subirán a San Vicente polo parque do Zapardiel. Dende alí, o guía e arqueólogo, explicará como foi a muralla en tempos medievais.
Esta ruta, de dificultade media-baixa poderá facerse durante a mañá, xa que é de 12 quilómetros, polo que rematará sobre as 14.00 horas.