Deportes

Os deportistas do club están xa en Monforte despois do éxito obtido a fin de semana no campionato celebrado en Lleida.

Novo éxito do club Quixós, que está xa en Monforte coas trece medallas conseguidas nos campionatos nacionais disputados a fin de semana en Lleida.

Noa Díaz fíxose con tres medallas de ouro: en K-1 e C-1 sprint, e en K-1 cadete, e Ximena Prats foi prata nas mesmas tres categorías.

Tres medallas son tamén as que conseguiu Efrén Álvarez, ao adxudicarse o metal de ouro, en C-1 e K-1 sprint, e a medalla de prata en K-1 cadete. Pola súa banda, Gabriel Rodríguez foi ouro en K-1 júnior e prata en K-1 sprint, e Carlos Serafín fíxose coa medalla bronce en K-1 sénior.

Por clubs, o Quixós situouse en terceira posición, por detrás do Sicoris Club e do Fluvial O Barco.