Terceira xornada de protestas pola falta de médicos no Courel cunha fideuá popular

Están a organizar unha concentración na xerencia do Sergas, no HULA o luns ás 12:30 da mañá

Concentración de Folgoso do Courel

Este venres, por terceiro dia nesta semana, tampouco houbo médico nos centros de saúde do Courel. Durante a mañá do venres rexistráronse máis dun cento de reclamacións nos centros de saúde de Seoane e Folgoso.

Nesta nova xornada de protestas, os veciños concentráronse na praza do Concello e prepararon unha fideuá popular para amenizar a xornada reivindicativa.

A próxima semana, non haberá médico nin martes nin xoves, e a veciñanza contra o abandono do Courel, está a organizar unha concentración na xerencia do Sergas, no HULA o luns ás 12:30 da mañá.