Taboada conta cun novo recurso turístico na Praza Xeneral Muinelo

Trátase dun mapa das 27 parroquias do concello que se pode ver na zona axardinada do fondo da praza

O Concello de Taboada vén de instalar un novo recurso turístico na zona axardinada do fondo da Praza Xeneral Muinelo: un marco de 2x2 metros co mapa do municipio e as súas 27 parroquias, todas elas coa súa silueta recortada e identificadas co seu nome.

Esta actuación, que se suma á instalación das letras de “TABOADA” na cara norte da Praza de Riazón, busca embelecer a praza e conta con iluminación nocturna grazas á súa integración no proxecto Vagalumes da @ribeirasacract.

O proxecto está cofinanciado polo Consorcio de Turismo Ribeira Sacra, a Secretaría de Estado de Turismo e a Axencia de Turismo de Galicia.