Sober convoca catro certames de Nadal para a veciñanza
O Concello de Sober convoca este ano catro certames de Nadal pensados para a participación de nenos e maiores do concello.
Convócase, por un lado, un certame de Beléns no que poderán participar aquelas persoas que instalen un Belén en algún lugar do municipio, ben sexa o seu domicilio o un establecemento comercial, ou en zonas exteriores.
Por outro lado, haberá un certame de postais de Nadal destinado á mocidade do concello, que contará con catro categorías: menores de 8 anos, nenos e nenas de entre 9 e 11 e anos, nenos e nenas de entre 12 e 16 anos e, por último, maiores de 17 anos.
Haberá, ademais, un certame de poesía e outro de decoración de locais comerciais.
Os premios estarán dotados de premios de entre 50 e 30 euros que se achegarán a través dun vale na categoría infantil, e de entre 70 e 50 euros para os adultos. Ademais, todos os participantes recibirán un vale de 30 euros.
As solicitudes para participar en todas as modalidades estarán abertas ata o 20 de decembro.