Sober continúa este xoves co seu Círculo de Benestar dirixido a mulleres
O Concello de Sober continúa este xoves, 24 de abril, ás 19.30 horas na Casa da Culura, co sey Círculo de Benestar dirixido a mulleres, unha iniciativa que comezou o pasado 27 de marzo con motivo do mes da muller.
No primeiro dos obradoiros, a educadora social Paula Santos axudou ás participantes a identificar e recoñecer as emocións, explorando as súas orixes e efectos no benestar persoal para conectar coas necesidades de cada unha e comprender mellor como se manifestan no corpo e na mente.
Agora, nesta segunda sesión que leva por título ‘A forza do grupo’, as participantes crearán un espazo de diálogo e reflexión onde se promoverá a sororidade como ferramenta de empoderamento e coidado colectivo, transformando as emocións en recursos de crecemento conxunto.
Para poder participar haberá que inscribirse previamente a través dos teléfonos 982 460 513 ou 628 055 236.