Sober acolle un ano máis a proba ciclista Santa Cruz Bike este sábado
RibeiraSacraXa
O trazado seguirá pasando por sendeiros que farán desfrutar aos participantes da proba, que serán arredor de 200
20 Aug 2024
Este sábado, 24 de agosto, desenvolverase a ruta ciclista Santa Cruz Bike 2024 organizada polo Biciracing Monforte coa colaboración do Concello de Sober.
No acto de presentación, os participantes destacaron que esta cita deportiva é moi importante para a comarca, chegando a ser referente neste tipo de probas que atraen xente xa non só de Galicia, senón das comunidades veciñas.
O trazado seguirá pasando por sendeiros que farán desfrutar aos participantes da proba, que serán arredor de 200, que tamén poderán quedar na localidade e participar das festas patronais do pobo, nas que haberá diferentes sorteos.