Roberto Castro toma posesión como novo alcalde de Ribas de Sil
Roberto Castro tomou este venres posesión como novo alcalde de Ribas de Sil, un acto celebrado no consistorio da localidade ante a presenza de numerosos veciños e veciñas, así como co presidente da Deputación de Lugo, José Tomé.
Tomé desexoulle ao rexedor sorte e éxitos nesta etapa, na que continuará co proxecto liderado por Miguel Sotuela, “firmemente comprometido cos servizos sociais e na súa aposta polo público para dinamizar o seu concello no plano social e no económico”. Puxo en valor o seu labor como Alcalde nestes 27 anos, que dá boa conta do seu compromiso con Ribas de Sil. Ademais, expresoulle a súa vontade de manter a relación de colaboración directa e fluída entre a Deputación e o Concello para sacar adiante medidas beneficiosas para os veciños e veciñas de Ribas de Sil.