Ribas de Sil instala un novo panel interpretativo sobre o Xeoparque Montañas do Courel
RibeiraSacraXa
O novo soporte sitúase no recinto da antiga escola de Torbeo, actual sede do Centro de Interpretación do Río Sil (CIRS)
Imaxe do novo panel interpretativo do Xeopaarque en Ribas de Sil
31 Jul 2025
O Concello de Ribas de Sil, co apoio do Plan de Sostibilidade Turística do Consorcio de Turismo Ribeira Sacra, vén de instalar un panel de grandes dimensións para divulgar os valores naturais, xeolóxicos e culturais do Xeoparque Montañas do Courel.
O novo soporte sitúase no recinto da antiga escola de Torbeo, actual sede do Centro de Interpretación do Río Sil (CIRS), que forma parte da rede de centros de interpretación do Xeoparque.
A actuación está cofinanciada por Turismo de Galicia, a Secretaría de Estado de Turismo (SETUR) e o Consorcio de Turismo Ribeira Sacra, no marco do Plan de Sostibilidade Ribeira Sacra.