Ribas de Sil acolleu a entrega de premios do Campionato de Distancia Libre de Parapente
A Casa do Concello de Ribas de Sil acolleu est sábado a entrega de premios do Campionato de Distancia Libre de Parapente, organizado polo Club Parapente Quiroga.
Na competición repartíronse un total de 1.000 euros entre os tres pilotos mellor clasificados, que acadaron as mellores puntuacións totais tras sumar os resultados de tres voos. Os lanzamentos realizáronse desde diversos puntos de despegamento da contorna, incluíndo Vilañán, A Conchada, Torbeo, Pía Paxaro, Taro Branco e o Cerengo.
Desde o club destacaron que os parapentes da zona poden cubrir longas distancias grazas ás correntes térmicas e á gran capacidade de planeo, chegando a superar os 100 quilómetros.
A iniciativa contou co apoio dos concellos de Quiroga, Folgoso do Courel e Ribas de Sil, así como do Xeoparque Montañas do Courel.