Quiroga impulsa unha campaña para promover as visitas ás adegas do Xeoparque Montañas do Courel
RibeiraSacraXa
A través desta iniciativa, a Concellería de Turismo de Quiroga busca promocionar as adegas da zona
27 Jan 2026
A Concellería de Turismo de Quiroga, a través da Oficina de Turismo local, puxo en marcha unha campaña para fomentar as visitas ás adegas do Xeoparque Montañas do Courel. Desde esta oficina facilitarase aos turistas toda a información necesaria sobre os horarios de visita e os teléfonos para concertar cita previa.
Ademais, esta información distribuirase tamén a outras oficinas de turismo da comarca, como a Oficina de Turismo de Monforte, co obxectivo de dar maior difusión ás adegas da zona.
O concelleiro de Turismo, Vicente Parra, destaca a importancia desta iniciativa para dar a coñecer as adegas do Xeoparque e para activar e potenciar o turismo vitivinícola no territorio.