Quiroga dá inicio ao verán cunha xornada de portas abertas gratuíta na piscina municipal
RibeiraSacraXa
A tempada de baño estenderase ata o domingo 7 de setembro
Piscina Municipal de Quiroga
27 Jun 2025
As piscinas municipais do Concello de Quiroga abren hoxe venres as súas portas ao público, dando así comezo á tempada estival. Como é habitual, a xornada de apertura será gratuíta para todas as persoas usuarias.
As instalacións manterán os mesmos prezos das entradas e dos bonos que en anos anteriores. O horario de apertura será ininterrompido, todos os días, desde as 12:00 ata as 20:00 horas.
Tamén está dispoñible o servizo de cafetería, que funcionará nun horario máis amplo có das piscinas.
A tempada de baño estenderase ata o domingo 7 de setembro.