Quiroga contará este verán co V Campus de Voleibol e co XVI Campus de Fútbol
![campus-voleibol-quiroga-2023](https://ribeirasacraxa.com/wp-content/uploads/2023/07/campus-voleibol-quiroga-2023.jpg)
O Concello de Quiroga poñerá en marcha o V Campus de Voleibol de Quiroga que levará novamente o nome da xogadora quiroguesa, Carolina Camino.
O campus desenvolverase desde o luns día 8 ata o venres 12 de xullo no pavillón municipal. Aberto a nenos e nenas con idades comprendidas entre os 6 aos 16 anos levarase a cabo entre as dez da mañá e a unha e media do mediodía.
Ademais de volei os participantes teñen a oportunidade de acudir as instalacións das piscinas municipais onde os deberán de recoller os pais, nais ou titores.
As inscricións poden realizarse na casa da cultura ata o 5 de xullo tendo un prezo de 30 euros incluído o equipamento de cada participante.
Campus de Fútbol
E tamén, un ano máis haberá Campus de Fútbol, que xa vai pola súa XVI edición, entre os días 15 e 19 de xullo. O campus desenvolverase entre o campo de fútbol San Martiño e as instalacións das piscinas municipais, desde as dez da mañá e a unha e media do mediodía.
Os rapaces que queiran participar deste campus, teñen que ter entre 6 e 16 anos e anotarse na Casa da Cultura. O prezo do campus, que inclúe equipamento, será 30 euros para os participantes das escolas deportivas e de 50 euros para o resto.