Quiroga avanza nos preparativos da XLIII Feira do Viño

RibeiraSacraXa
Celebrarase os próximos días 19 e 20 de abril
reunion-preparativos-feira-do-viño-quiroga
Reunión do comité organizador da Feira do Viño de Quiroga
2 Mar 2025

O Concello de Quiroga xa puxo en marcha o engrenaxe para celebrar a XLIII Feira do Viño de Quiroga, que se celebra o 19 e 20 de abril, tal e como informan dende o propio goberno local.

Nunha primeira xuntanza entre adegueiros da subzona Quiroga Bibei e o alcalde de Quiroga, José Luis Rivera, falouse daqueles aspectos mellorables sobre todo en infraestruturas. As peticións trasladadas polos adegueiros van encamiñadas a temas como a capacidade das casetas, a súa seguridade, a recollida do vidro ou a posibilidade de trasladar a entrega de medallas ás adegas participantes ao recinto feiral.

A comisión organizadora que se encarga de estruturar todas as actividades e o desenvolvemento da cita anual máis importante do concello de Quiroga, estudará agora as peticións dos adegueiros e tentará, na medida do posible, incorporalas nesta edición.

⚙ Configurar cookies
0.26342105865479