Pechan hoxe os parques de bombeiros de Vilalba e Chantada por falta de efectivos
O Consorcio Provincial contra Incendios e Salvamento de Lugo tivo que pechar de novo dous parques durante a xornada de hoxe.
Segundo explicaron, dos tres efectivos que son necesarios nos parques de bombeiros para dar cumprimento aos servizos mínimos, este venres só se presentaron a traballar dous efectivos no parque de Barreiros, un efectivo no parque de Chantada e outro no de Vilalba.
Avisados mediante comunicación certificada os retén designados no cuadrante para os diferentes parques, tampouco se presentaron. O Consorcio intentou facer mobilidade dende outras bases, pero non foi posible porque todas cubren os servizos mínimos.
Ante esta situación, o Consorcio decidiu reubicar ao efectivo de Vilalba no parque de Barreiros, e ao de Chantada no de Monforte de Lemos, desde onde se atenderán as posibles incidencias.
Os parques de bombeiros de Vilalba e Chantada non prestarán servizo ata mañá as 9:00 horas.