Patty Diphusa levará o seu espectáculo ‘SuperHarte’ á Pobra do Brollón

Será este mércores na Área Recreativa de Samugueiros

O vindeiro mércores 20 de agosto, a artista Patty Diphusa presentará o seu espectáculo SuperHarte na Área Recreativa de Samugueiros, a partir das 20:30 horas.

A proposta combina circo e clown cunha mensaxe de empoderamento dirixida ao público, centrada en como afrontar o medo e superar os límites que outros impoñen desde a infancia.
A actividade forma parte da programación cultural do verán no municipio e está aberta a todos os públicos.