'Patacón de abadía', de La Cervecería, foi a tapa gañadora do concurso de tapas de Chantada
Tras tres días de Chantapas, o concurso de tapas de Chantada, que tivo lugar desde o venres 7 ao domingo 9 de xuño, e centos de votos, o xurado popular decantouse pola proposta de La Cervecería, 'Patacón de abadía', como a mellor desta edición do concurso de tapas de Chantada.
No segundo posto quedou a tapa da Viñoteca Chantada, 'Jugoso de tierra y mar', e, en terceiro lugar, a do Café Cantón: 'Focaccia San Xoán'.
O Chantapas foi todo un éxito, segundo informan desde o Centro Comercial Aberto Ribeira Sacra, organizadores do evento: "foron centos as persoas que participaron, percorrendo os oito locais co seu pasaporte para votar á súa tapa favorita".
A Faragulla, Café Sylt, Café Bar Centro, Café Cantón, La Cervecería, A Viñoteca, Bar Carballeira e Bar Pizzería Mar foron os participantes desta edición do exitoso concurso de tapas de Chantada.