Axenda

Estará a partir das 17.30 horas no Campo da Feira

Papá Noel visitará este martes Quiroga para recibir aos nenos e nenas. A partir das 17.30 horas, o popular personaxe instalarase na rúa Campo da Feira, onde saudará a todas as persoas que se acheguen ata o lugar.

Durante a visita, os máis pequenos poderán facerse fotografías con Papá Noel e entregarlle as súas cartas cos desexos e agasallos para este Nadal. Ademais, as persoas asistentes poderán gozar de chocolate con churros.