Pantón xa ten datas para o seu Desfile de Entroido
RibeiraSacraXa
Será o 21 de febreiro polas rúas da vila
15 Jan 2026
O Concello de Pantón celebrará o seu Entroido o 21 de febreiro cun gran desfile de disfraces que percorrerá as rúas da vila durante a tarde, con chegada á Praza do Concello, onde terá lugar a entrega de premios.
O desfile sairá do CEIP Monte Baliño ás 16:00 horas e, media hora antes, terá lugar a concentración dos participantes. Durante a xornada haberá chocolatada e animación.
A actividade, organizada dende o Concello, conta coa colaboración da Deputación de Lugo.