Pantón ten aberto o prazo para participar nos concursos de Belén e Postais de Nadal

As propostas poderán presentarse ata o 20 de decembro

O Concello de Pantón mantén aberto ata o 20 de decembro o prazo para participar nos concursos de Nadal organizados con motivo destas festas. A convocatoria inclúe o Concurso de Beléns e o Concurso de Postais de Nadal, dirixidos a distintos públicos do municipio.

No Concurso de Beléns poden participar particulares, familias, parroquias ou asociacións do concello. Para concorrer, é necesario enviar fotografías da montaxe a través de WhatsApp ao número 744 682 179 antes do 20 de decembro.

Pola súa banda, o Concurso de Postais de Nadal está dirixido ás nenas e nenos de Pantón. Neste caso, os deseños deberán entregarse presencialmente na Casa da Cultura.