Actualidade

Trátase dun concurso infantil de postais de Nadal e un concurso de Beléns

O Concello de Pantón organiza un concurso de postais infantil e un concurso de Beléns para festexar este Nadal 2024.

No caso do concurso de postais, poderán presentarse ata o 20 de decembro todos os nenos e nanas que o desexen. Os premios aos mellores traballos entregaranse no Festival de Reis que terá lugar o 5 de xaneiro.

Pola súa banda, no concurso de Beléns poderán participar todas as persoas, familias, parroquias ou asociación do concello de Pantón, que deberán inscribirse antes do 20 de decembro nos teléfonos 670 329 131 ou 982 456 377. Os gañadores serán anunciados tamén durante o Festival de Reis.