Axenda

Estará guiada por Enrique Vera, da Sociedade Micolóxica de Madrid, e Ramón Losada Pérez, da Sociedade Micolóxica de Sober

Pantón acollerá este domingo, 9 de novembro, unha xornada micolóxica, unha dirixida a todas as persoas interesadas en coñecer mellor o mundo dos cogomelos e a riqueza natural do municipio.

A actividade comezará ás 10:00 horas cunha saída ao campo, que se prolongará ata as 14:00 horas, para recoller e identificar distintas especies. Pola tarde, a partir das 19:00 horas, o Edificio Sociocultural de Pantón acollerá unha exposición e unha conferencia sobre micoloxía.

As sesións estarán guiadas por Enrique Vera, da Sociedade Micolóxica de Madrid, e Ramón Losada Pérez, da Sociedade Micolóxica de Sober, que compartirán cos asistentes coñecementos sobre as especies máis comúns e consellos para unha recolección responsable.