Pantón acolle as etapas 7 e 8 da liga FootGolf 2023
![Iberik golf Panton](https://ribeirasacraxa.com/wp-content/uploads/2023/09/Iberik-golf-Panton.jpg)
O campo de golf do Iberik Augas Santas de Pantón acolle durante o día de hoxe as etapas 7 e 8 da liga de FootGolf 2023, aberto a todos os participantes interesados.
As etapas disputaranse en horario de mañá a partir das 10.30 horas, nas que estarán as lendas do Deportivo, Fran e Donato, e de tarde a partir das 16.00 horas. Ademais, o domingo 1 de outubro, ás 10.00 horas, terá lugar o II Challenge Transfronteirizo entre a selección galega e a selección de Portugal, un encontro que poñerá o broche final a unha fin de semana de FootGolf.
Este campo de footgolf inaugurouse en marzo deste ano e é o único da provincia de Lugo e un dos poucos que existen actualmente en Galicia. A instalación para practicar este deporte está situada no propio campo de golf de Augas Santas, entre os foxos 10 e 18. Conta con 18 foxos compostos de pares 3, pares 4 e pares 5.