Os viños de parcela protagonizan unha xornada gastronómica no Concello de Pantón
Os profesionais do sector do viño teñen unha cita o vindeiro 20 de outubro na Casa da Cultura de Pantón, que acollerá un evento sobre os viños de parcela.
A xornada comezará ás 18.45 horas e contará coa presenza de José Luis Álvarez Balnco, alcalde do Concello; Antobio Lombardía, presidente do CRDO Ribeira Sacra e José Manuel Arias, presidente do GDR Ribeira Sacra-Courel.
Ás 19.00 horas é o turno da proposta Nombres de la tierra da DOQ Priorato. Posteriormente, a partir das 20.00 horas organízase Los Terruños de Amandi. A mesa redonda organizarase ás 20.30 horas e a cata de viños de parcela, coa que conclúe o evento, serás ás 21.00 horas.
O xornalista José Manuel Rubín será o encargado de moderar toda a xornada. Os interesados deben inscribirse a través da web.
