Os veciños de Vilachá estrean web para dinamizar a parroquia

RibeiraSacraXa
Queren dar a coñecer os recursos turísticos desta parroquia da Pobra do Brollón, como os asentamentos medievais e as bodegas milenarias
27 Xan 2021

A asociación de veciños e veciñas de Vilachá de Salvadur, na Pobra do Brollón, vén de estrear unha nova páxina web para dar a coñecer os recursos turísticos da súa parroquia, como son os asentamentos eremitas medievais ou as bodegas con séculos de historia.

Dende o colectivo veciñal aseguran que a súa intención é tamén "dar pulo a iniciativas socioculturais e turísticas que dinamicen a vida de Vilachá de Salvadur". A parroquia é unha das incluídas na área BIC da candidatura da Ribeira Sacra a Patrimonio da Humanidade.

A nova web pode visitarse xa en vilachadesalvadur.gal

0.15911388397217