Os pequenos participantes no Campamento de Verán de Quiroga visitaron o Museo Xeolóxico

O técnico de Turismo impartiu un taller sobre o recoñecemento de pezas dentais dos diferentes mamíferos atopados no Courel

Continúanse nos campamentos de verán coas visitas os distintos servizos que se ofertan desde o Concello de Quiroga, nesta ocasión achegáronse ata as instalacións do Museo Xeolóxico.

O técnico de Turismo impartiu un taller sobre o recoñecemento de pezas dentais dos diferentes mamíferos que se atopan no medio natural das Montañas do Courel.

Neste obradoiro aprenderon a recoñecer animais carnívoros, como lobos e zorros , herbívoros , vacas e cabalos e omnívoros como son os xabarís. Este taller adaptouse os diferentes grupos de idades dos nenos e nenas participantes.

Novamente ata as instalacións municipais, achegábase a Concelleira de Educación e Infancia, Maite Pérez Grao.