Os nenos e nenas do CEIP Poeta Uxío Novoneyra tamén merecen actividades extraescolares
Desde a ANPA do CPI Poeta Uxío Novoneyra de Folgoso do Courel están a promover unha campaña de doazón económica ao colexio para que o alumnado poida contar con actividades extraescolares.
Así, explican que "neste pequeno colexio de montaña os nenos e nenas non poden contar cunha oferta de actividades educativas e lúdicas como si hai en moitas outras zonas, pero iso non significa que non as merezan".
E destacan que "dende a ANPA traballamos para que todos os alumnos do colexio, sen importar se son socios ou non, poidan ter acceso a actividades enriquecedoras que lles permitan aprender, divertirse e seguir crecendo".
Pero para iso necesitan a colaboración de todas as persoas que queiran aportar o seu graniño de area para que os nenos e nenas do Courel teñan acceso a unha formación e ocio de calidade, malia vivir nunha zona rural. Pódese contribuír través desta ligazón ou ingresar a doazón na conta ES88 3070 0006 5562 7408 7821.