Os nenos e mozos da Pobra do Brollón poderán desfrutar dun curso de teatro os luns e mércores

Os nenos e mozos da Pobra do Brollón poderán desfrutar dun curso de teatro os luns e mércores a partir do 3 de abril

A Pobra do Brollón organiza un curso de teatro para nenos e mozos desde os 3 aos 17 anos.

Esta actividade, que será gratuíta, aproximará as e os participantes ao mundo do teatro a partir do xogo dramático.

Merche Pérez impartirá as clases ao longo do ano os luns e mércores en horario de tarde (o horario será flexible en función das necesidades).

Así, haberá tres grupos: un de 3 a 6 anos, de 17.00 a 18.00 horas; un grupo 6 a 12 anos, de 18.00 a 19.00 horas; e un último de 12 a 17 anos, de 19.00 a 20.30 horas.

Para máis información e inscricións, pódese contactar coa Biblioteca Municipal e no número 982 430 546.