O Xeoparque Montañas do Courel será o escenario do XVII Campionato de Galicia de Carreiras de Montaña
O próximo 31 de agosto, o Xeoparque Montañas do Courel será o escenario do XVII Campionato de Galicia de Carreiras de Montaña, un evento imprescindible para os afeccionados deste deporte.
O concello de Folgoso do Courel deu a coñecer os dous trazados que se utilizarán nesta edición do campionato, ambos cun perfil espectacular, ideal para os amantes do "Mountain Running". O punto de partida e chegada será diante do Concello.
A proba contará con dúas modalidades, un trazado curto de 6,42 km con 465 metros positivos, destinado ás categorías sub16, sub18 e sub20, e un trazado longo de 15,3 km con 1235 metros positivos, para as categorías sub23, absoluto e masters.
O Trail Running Center da localidade será o epicentro desta xornada deportiva, onde se concentrarán os mellores corredores e corredoras para loitar polo título de campións galegos.