O Xeoparque Montañas do Courel organiza unha excursión á Turexpo Galicia en Silleda
RibeiraSacraXa
O concelleiro de promoción económica, Vicente Parra, anima aos veciños a inscribirse canto antes
![Xeoparque-do-Courel](https://ribeirasacraxa.com/wp-content/uploads/2023/04/Xeoparque-do-Courel.jpg)
19 Maio 2024
O Xeoparque Montañas do Courel, dentro da Semana dos Xeoparques Europeos, organiza diversas actividades. Unha delas na que tamén colabora a área de promoción económica do Concello de Quiroga é unha excursión a Turexpo Galicia en Silleda.
A excursión levarase a cabo o día 31 de maio, saíndo de Quiroga ás nove da mañá. O transporte e a entrada á feira son gratis polo que os participante soamente terán que pagar o xantar.
O concelleiro de promoción económica, Vicente Parra, anima aos veciños a inscribirse canto antes na casa da cultura posto que soamente haberá dispoñibles 16 prazas para cada un dos concellos que forman parte do xeoparque.